ရန်ကုန်တိရစ္ဆာန်ဥယျာဉ်
တိရစ္ဆာန်များနှင့် ထိန်းသိမ်းရေး
နေ့စဉ် ဖွင့်လှစ်ပါသည် • မနက် ၈ နာရီ မှ ညနေ ၅ နာရီ
သဘာဝတောထဲတွင် ၈နှစ်မှ ၁၀နှစ် အထိ နေထိုင်နိုင်သော်လည်း ထိန်းသိမ်းမွေးမြူစောင့်ရှောက်ထားသည့် နေရာများတွင် ၁၃ နှစ်မှ ၁၅ နှစ် အထိရှင်သန်နေထိုင်နိုင်ပါသည်။
ကြောင်ဝံနီတွေဟာ အဓိကအားဖြင့် ဝါးကို စားသုံးကြပေမဲ့ သစ်သီးဝလံတွေ၊ ဘယ်ရီသီးတွေ၊ ပန်းပွင့်တွေ၊ အင်းဆက်ပိုးမွှားတွေ၊ ဥတွေနဲ့ နို့တိုက်သတ္တဝါအငယ်စားလေးတွေကိုလည်း စားသုံးတတ်ကြပါသည်။
ဟိမဝန္တာဒေသနှင့် အနီးတဝိုက်ရှိ သမပိုင်းတောများတွင် ကျက်စားကြသည်။ ၎င်းတို့ ရှင်သန်ရာ ပတ်ဝန်းကျင်မှာ ဝါးပင်များ ထူထပ်စွာ ပေါက်ရောက်ခြင်း၊ တက်ရောက်ရန် သစ်ပင်များ ပေါများခြင်းနှင့် အေးမြစိုစွတ်သော ရာသီဥတုရှိ သော သစ်တောများတွင် နေထိုင်ပါသည်။
ဟိမဝန္တာတောင်တန်းဒေသနဲ့ နီပေါ၊ အိန္ဒိယ၊ ဘူတန်၊ မြန်မာနဲ့ တရုတ်နိုင်ငံ အနောက်တောင်ပိုင်းတို့ အပါအဝင် အာရှတိုက်ရဲ့ ပတ်ဝန်းကျင် ဒေသတွေမှာ နေထိုင်ကြပါတယ်။ အထူးသဖြင့် ဝါးပင်တွေ ပေါက်ရောက်ရာ သမပိုင်းတောတောင်တွေမှာ အများဆုံး တွေ့ရှိရပါသည်။
ခန္ဓာကိုယ်တစ်ကိုယ်လုံးကို နီညိုရောင်ဖြင့်ဖုံးအုပ်ထားပြီး ဝမ်းဗိုက်နဲ့ခြေလက်တွေမှာ ပြောင်လက်တဲ့အနက်ရောင်ပါရှိသည်။ နားရွက်၊မျက်ခုံးနဲ့နှာခေါင်းအထက်ပိုင်းကတော့အဖြူရောင်ပါရှိပြီး မျက်လုံး၏အောက်မှာ နီညိုရောင်အမွှေးအမှင်များက မျက်ရည်စီးကြောင်းကဲ့သို့ ဖြစ်နေပါတယ်။ အမြီးတွင် အနီနှင့်အဝါရောင်အကွင်းရစ်များ တစ်လှည့်စီပါပါတယ်၊ ဒါကြောင့် ချစ်စရာကောင်းလို့ ကြောင်ဝံနီ၊ မီးမြေခွေးလို့ ချစ်စနိုးခေါ်ကြပါတယ်။
အပြည်ပြည်ဆိုင်ရာ သဘာဝပတ်ဝန်းကျင် ထိန်းသိမ်းရေးအဖွဲ့မှ (IUCN)မှထုတ်ပြန်ထားသော Red List အရ မျိုးသုဉ်းရန် အန္တရာယ် ရှိသောမျိုးစိတ် (Endangered species) အဖြစ်သတ်မှတ်ထားပါ သည်။