ရန်ကုန်တိရစ္ဆာန်ဥယျာဉ်
တိရစ္ဆာန်များနှင့် ထိန်းသိမ်းရေး
နေ့စဉ် ဖွင့်လှစ်ပါသည် • မနက် ၈ နာရီ မှ ညနေ ၅ နာရီ
သဘာဝတောတွင်း၌ အသက် (၂၀) နှစ်အထိ နေထိုင်နိုင်ပြီး ထိန်းသိမ်းမွေးမြူစောင့်ရှောက်ထားသည့်နေရာများတွင် အသက် (၃၄) နှစ်အထိ နေထိုင်နိုင်ပါသည်။
အစုံစားသတ္တဝါဖြစ်ပြီး ပျားအုံ၊ ခြ၊ ခရု၊ တိရစ္ဆာန်အကောင်ငယ်များ နှင့် အသီးအနှံအချို့ကိုလည်း စားသုံးတတ်ကြပါသည်။
ပသျှူးဝက်ဝံများသည် အရှေ့တောင်အာရှရှိ အပူပိုင်းမိုးသစ်တောများ၊ မြေနိမ့်ပိုင်းသစ်တောများနှင့် တစ်ခါတစ်ရံတွင် တောင်ပေါ်သစ်တောများတွင် နေထိုင်ကျက်စားကြပါသည်။
ပသျှူးဝက်ဝံများကို အိန္ဒိယ၊ဘင်္ဂလားဒေ့ရှ် ၊မြန်မာ၊ထိုင်း၊ ကမ္ဘောဒီးယား၊ လာအို၊မလေးရှား၊တရုတ်ပြည်တောင်ပိုင်း၊ဆူမားတြားနှင့်ဘောနီယိုကျွန်းများတွင် နေထိုင်ကျက်စားကြပါသည်။
ဝက်ဝံမျိုးစိတ် (၈) မျိုးတွင် အရွယ်အစားအသေးငယ်ဆုံးသော မျိုးစိတ်ဖြစ်ပါသည်။ အမွှေးတိုပြီး ရင်ဘတ်တွင် အဖြူရောင် (U) ပုံသဏ္ဌာန် အမှတ်အသားပါရှိသည်။ တစ်ကိုယ်လုံး အမည်းရောင်ဖြစ်ပြီး နှာခေါင်းနှင့် နှာထိပ်ဖျားတွင် အဖြူရောင်ပါရှိသည်။ ပသျှူးဝက်ဝံများကို Honey Bear ဟုလည်း အသိများကြသည်။
ပသျှူးဝက်ဝံများကို အပြည်ပြည်ဆိုင်ရာ သဘာဝပတ်ဝန်းကျင် ထိန်းသိမ်းရေးအဖွဲ့ (IUCN) မှ ထုတ်ပြန်ထားသော Red List အရ မျိုးသုဉ်းရန်အန္တရာယ် ကျရောက်နိုင်သောမျိုးစိတ် (Vulnerable) အဖြစ်သတ်မှတ်ထားပါ သည်။