ရန်ကုန်တိရစ္ဆာန်ဥယျာဉ်
တိရစ္ဆာန်များနှင့် ထိန်းသိမ်းရေး
နေ့စဉ် ဖွင့်လှစ်ပါသည် • မနက် ၈ နာရီ မှ ညနေ ၅ နာရီ
ရန်ကုန်မြို့လယ်ခေါင်မှာ တောရိုင်းတိရစ္ဆာန်တွေ၊ သဘာဝအလှတရားတွေနဲ့အတူ မမေ့နိုင်စရာ မိသားစုအမှတ်တရတွေကို ဖန်တီးလိုက်ပါ။
ရှားပါးလှပတဲ့ တိရစ္ဆာန်လေးတွေနဲ့ အနီးကပ်တွေ့ဆုံပြီး သဘာဝပတ်ဝန်းကျင် ထိန်းသိမ်းရေးအကြောင်း ဗဟုသုတတွေလည်း လေ့လာရင်း... ပျော်ရွှင်စရာ စွန့်စားခန်းတွေနဲ့ ပြည့်နှက်နေတဲ့ တစ်နေ့တာကို အတူတူဖြတ်သန်းလိုက်ရအောင်။
ကလေးတို့နဲ့အတူ မိသားစုဝင်အားလုံး တိရစ္ဆာန်လေးတွေနဲ့ သဘာဝပတ်ဝန်းကျင်ကို ပိုမိုချစ်ခင်တန်ဖိုးထားလာစေဖို့... တို့တစ်တွေ အတူတူ ကြိုးစားကြပါစို့။
ရန်ကုန်တိရစ္ဆာန်ဥယျာဉ်ဝန်းအတွင်းရှိ အသားစားရုံ (Carnivora House) ကို ရှေးဟောင်းအဆောက်အအုံအဖြစ် တရားဝင်ကြေညာခဲ့ပြီး ၂၀၁၈ ခုနှစ် အောက်တိုဘာလ ၁၄ ရက်နေ့တွင် အထိမ်းအမှတ် အပြာရောင်ကမ္ဗည်းပြား (Blue Plaque) ကို တပ်ဆင်ခဲ့သည်။ ၁၉၁၅ ခုနှစ်တွင် တည်ဆောက်ခဲ့သော အဆိုပါ အဆောက်အအုံသည် ၁၉၀၁ ခုနှစ်တွင် ဝိတိုရိယဘုရင်မအား ဂုဏ်ပြု၍ စတင်ဖွင့်လှစ်ခဲ့သော Victoria Memorial Park and Zoological Garden အဖြစ် အမည်ပေးထားသော ရန်ကုန်တိရစ္ဆာန်ဥယျာဉ်၏ သက်တမ်းအရင့်ဆုံးအဆောက်အအုံများထဲမှ တစ်ခုဖြစ်သည်။
စပါးအုံး၊ စပါးကြီး၊ လင်းမြွေ၊ ငန်းတော်ကြား၊ မြွေပွေး၊ မြွေဟောက် နှင့် လိပ်များ၊ ပုတ်သင်များ ထိန်းသိမ်းထားသည့် အဆောက်အဦးဖြစ်ပါသည်။
သဘာဝသမိုင်းပြတိုက်သည် သက်ဦးကပ်မှ သက်နှောင်းကပ်အထိ သက်ရှိသတ္တဝါများနှင့် သစ်ပင်များ၏ ဖွံ့ဖြိုးတိုးတက်လာပုံများ၊ သတ္တဗေဒနှင့် ဘူမိဗေဒဆိုင်ရာ ကျောက်ဖြစ်ရုပ်ကြွင်းများ၊ မြန်မာနိုင်ငံ၏ သယံဇာတနှင့် သစ်တောထိန်းသိမ်းရေးအကြောင်းများကို လေ့လာနိုင်ရန် ဖွင့်လှစ်ထားသော ပြတိုက်ဖြစ်ပါသည်။
ဆင်ပြတိုက်ကို ဖွင့်လှစ်ရခြင်း၏ အဓိကရည်ရွယ်ချက်များမှာ သဘာဝသစ်တောများတွင် နေထိုင်ကျက်စားနေသော တောဆင်ရိုင်းများကို ထိန်းသိမ်းကာကွယ်စောင့်ရှောက်ရန်၊ လူနှင့်ဆင်အကြား ဖြစ်ပွားနိုင်သော ပဋိပက္ခများကို လျော့ချရန်နှင့် ဆင်ထိန်းသိမ်းရေးဆိုင်ရာ အသိပညာများကို ပြည်သူလူထုအတွင်း ပိုမိုဖြန့်ဝေရန် ဖြစ်ပါသည်။ ထို့အပြင် အိမ်မွေးဆင်များ၏ စီမံခန့်ခွဲမှုနှင့် ဆင်တို့၏ သဘာဝအလေ့အထများနှင့် လူသားတို့အကြားရှိသော ဆက်နွယ်မှုကို နားလည်သဘောပေါက်စေရန် ရည်ရွယ်ထားပါသည်။
မိုမိုသည် ရန်ကုန်တိရစ္ဆာန်ဥယျာဉ်၏ လူချစ်လူခင် ပေါများသော ဆင်မကြီးဖြစ်ပြီး အသက်ခုနှစ်နှစ်ခန့်ရှိစဉ်တွင် ရန်ကုန်တိရစ္ဆာန်ဥယျာဉ်သို့ ရောက်ရှိလာခဲ့ပါသည်။
သဘာဝတရားနှင့် ရင်းနှီးကျွမ်းဝင်စေရန်၊ ငှက်များကို အနီးကပ် လေ့လာကြည့်ရှုနိုင်ရန်နှင့် အမှတ်တရအခိုက်အတန့်များကို ဓာတ်ပုံရိုက်ကူးမှတ်တမ်းတင်နိုင်ရန် ရည်ရွယ်ပါသည်။
သင်္ကြန်အကြိုပွဲတော်
There is no upcoming event yet.
အသေးစိတ်ကြည့်ရန်
လမ်းလျှောက်တတ်စအရွယ် ကလေးငယ်များမှသည် ဆယ်ကျော်သက်လူငယ်များအထိ အရွယ်စုံကလေးများအတွက် အံ့ဖွယ်တိရစ္ဆာန်လောကကို လေ့လာနိုင်မည့် အစီအစဉ်တစ်ခု ဖြစ်ပါသည်။ တိရစ္ဆာန်များနှင့် အနီးကပ်ထိတွေ့ခွင့်ရရှိခြင်းနှင့် လက်တွေ့လုပ်ဆောင်ရသော လှုပ်ရှားမှုများမှတစ်ဆင့် ကလေးငယ်များ၏ စူးစမ်းလိုစိတ်ကို နှိုးဆွပေးပြီး တိရစ္ဆာန်များအား ကာကွယ်စောင့်ရှောက်လိုစိတ်နှင့် တစ်သက်တာသင်ယူလိုစိတ်တို့ ဖြစ်ပေါ်လာစေရန် ရည်ရွယ်ပါသည်။
ဤအစီအစဉ်သည် သားကောင်သွင်းပညာရပ်ကို စိတ်ပါဝင်စားစွာ လေ့လာလိုကြသည့် တက္ကသိုလ်ကျောင်းသားများနှင့် ဆရာ၊ ဆရာမများအပြင် ဌာနဆိုင်ရာအဖွဲ့အစည်းများမှ ဝန်ထမ်းများအတွက် အထူးရည်ရွယ်၍ ဖွင့်လှစ်ခြင်းဖြစ်ပါသည်။ ကျွမ်းကျင်ပညာရှင် ဦးဘော်သန်းကိုယ်တိုင် သင်ကြားပြသပေးသည့် ဤသင်တန်းသည် ဇီဝဗေဒဆိုင်ရာသီအိုရီနှင့် နည်းပညာပိုင်းဆိုင်ရာ ထိန်းသိမ်းမှုပညာရပ်များကို ပေါင်းစပ်ပေးထားပြီး တိရစ္ဆာန်ဥယျာဉ်အတွင်း၌ပင် လက်တွေ့ဆည်းပူးနိုင်မည့် အခွင့်အရေးကောင်းတစ်ခု ဖြစ်ပါသည်။
ဤအစီအစဉ်သည် မျိုးဆက်ပြတ်သုဉ်းလုနီးပါး အန္တရာယ်ရှိသော မျိုးစိတ်များနှင့် မြန်မာနိုင်ငံတွင်သာ တွေ့ရှိရသော ဒေသရင်း (Endemic) တောရိုင်းတိရစ္ဆာန်များကို သိပ္ပံနည်းကျ စီမံခန့်ခွဲမှုဖြင့် ကာကွယ်စောင့်ရှောက်ရန် ရည်ရွယ်ပါသည်။ သဘာဝပတ်ဝန်းကျင်နှင့် တူညီသော ဖန်တီးထားသည့် ဝန်းကျင်အတွင်း တိရစ္ဆာန်များကို စနစ်တကျ ထိန်းသိမ်းစောင့်ရှောက်ခြင်းဖြင့် မျိုးသုဉ်းပျောက်ကွယ်မည့် အန္တရာယ်မှ ကာကွယ်ပေးလျက်ရှိပါသည်။
တိရစ္ဆာန်ချစ်သူများအနေဖြင့် တိရစ္ဆာန်ဥယျာဉ်ရှိ ကောင်ရေ ၁,၄၀၀ ကျော်၏ နေ့စဉ်အာဟာရလိုအပ်ချက်အတွက် တိုက်ရိုက်ပါဝင်လှူဒါန်းနိုင်မည့် အထူးအစီအစဉ် ဖြစ်ပါသည်။ လှူဒါန်းသူများနှင့် တိရစ္ဆာန်များ၏ ကျန်းမာရေးကို ရှေးရှု၍ ကျန်းမာရေးနှင့် အားကစားဝန်ကြီးဌာန၏ လမ်းညွှန်ချက်များနှင့်အညီ စနစ်တကျ စီစဉ်ထားခြင်းဖြစ်ပြီး၊ ရောဂါကူးစက်မှုအန္တရာယ် ကင်းဝေးစေရန်အတွက် တိရစ္ဆာန်များအတွက် အစာကို ဥယျာဉ်အတွင်းမှပင် စီစဉ်ပေးထားပါသည်။
ဤအစီအစဉ်သည် တိရစ္ဆာန်ချစ်သူများအနေဖြင့် မိမိတို့နှစ်သက်သော တိရစ္ဆာန်မျိုးစိတ်များ၏ နေ့စဉ်ဘဝရှင်သန်မှုတွင် တိုက်ရိုက်ပါဝင်ကူညီနိုင်မည့် အခွင့်အလမ်းတစ်ခု ဖြစ်ပါသည်။ အုပ်ထိန်းသူတစ်ဦးအဖြစ် ပါဝင်ဆောင်ရွက်ခြင်းဖြင့် တိရစ္ဆာန်လေးများအတွက် လိုအပ်သော အာဟာရပြည့်ဝသည့် အစားအစာများ၊ ဆေးဝါးစောင့်ရှောက်မှုနှင့် အထူးအားဆေးဖြည့်စွက်စာများကို စနစ်တကျ ပံ့ပိုးပေးနိုင်မည် ဖြစ်ပါသည်။
"လူဝံ" (Bornean Orangutan) စုံတွဲလေး ရန်ကုန်တိရစ္ဆာန်ဥယျာဉ်သို့ ရောက်ရှိလို့နေပါပြီ။
ဆက်လက်ဖတ်ရှုရန်
အာဟာရပြည့်မှန် ကျားများသန်မာစေရန် စနစ်တကျ ကျွေးမွေးလျက် ရှိပါတယ်။ ဒီနေ့မှာတော့ လူအများ စိတ်ဝင်တစား မေးမြန်းကြသော ကိစ္စရပ်များထဲမှ ကျားများအား အစာ ပြင်ဆင် ကျွေးမွေးခြင်း နှင့် ပတ်သတ်သည့် အကြောင်းအရာများကို ဗဟုသုတရရှိနိုင်ရန် ဖော်ပြပေးလိုက်ပါတယ်။
Read More
